Shiv Puran (Hindi Edition)

Description

Bhaarteey jeevandhaara mein jin granthon ka mahattvapoorn sthaan hai, unmein puraan, bhakti-granthon ke roop mein bahut mahattvapoorn maane jaate hain. Puraan-saahitya bhaarteey jeevan aur sanskriti kee akshunn nidhi hai. Inmein maanav jeevan ke utkarsh aur apkarsh kee anek gaathayen miltee hain. Bhaarteey chintan parampara mein karmkaand yug, upanishad yug arthaat gyaan yug aur puraan yug arthaat bhakti yug ka nirantar vikaas hota dikhaee deta hai. Karmkaand se gyaan kee or aate hue bhaarteey maanas chintan ke oordhv shikhar par pahuncha aur gyaanaatmak chintan ke baad bhakti kee aviral dhaara pravaahit hui. Hamaare puraan saahitya mein srishti kee utpatti, vikaas, maanav utpatti aur phir uske vividh vikaasaatmak sopaan is tarah se diye gaye hain ki yadi unse chamakdaar aur atirikt vishvaas ke ansh dhyaan mein na rakhe jayen, to anek baatein bahut kuchh vigyaansammat bhee ho saktee hain. Jahaan tak srishti ke rahasya ka prashn hai vikaasvaad ke siddhaant ke baavjood aur vaigyaanik jaankaaree ke hone par bhee, vah abhee tak manushy kee buddhi ke liye ek chunautee hai. Isliye jin baaton ka varnan srishti ke sandarbh mein puraan-saahitya mein hua hai, use ekaek pooree tarah se nahin nakaara ja sakta. Please note: This audiobook is in Hindi.