Fizika e Trupit të Ngurtë

Description

Me qëllim të ngritjes së kualitetit të studimeve nga fusha e Shkencës së materialeve, Universiteti Politeknikë i Tiranës, Universiteti i Prishtinës, Universiteti i Tiranës, Universiteti i Vlorës, Universiteti i Elbasanit dhe Universiteti i Tetovës në bashkëpunim me një Universitet të njohur gjerman Technische Universität Bergakademie Freiberg, në dhjetëvjetëshin e fundit zhvilluan shumë aktivitete të përbashkëta nën ombrellën e Rrjetit të bashkëpunimit “Shkenca dhe teknologjia e materialeve”. Qëllimet e themelimit të këtij Rrjeti ishin që me aktivitete të llojllojshme të përkrahen, mbështeten dhe motivohen të gjitha aktivitet që qojnë në avancimin e mësimdhënies nga fusha e Shkencës së materialeve. Disa nga aktivitetet e dizajnuara dhe realizuara ishin: praktikat profesionale dhe punimet e diplomave të të gjitha niveleve për studentët tanë në Universitetin e Freibergut, qëndrimet studimore të mësimdhënësve nga regjioni në Freiberg, organizimi i shkollave verore dhe Simpoziumeve, ligjërata të profesorëve mysafirë nga Gjermania, pastaj pasurimi i fondit bibliotekar me tekste profesionale, eventualisht ndonjë pajisje laboratorike, etj. Njëri ndër aktivitete kyçe pa mëdyshje ishte pasurimi i fondit me literaturë profesionale në gjuhën shqipe. Edhe më saktë, ideja ishte që duke marrë për bazë të gjitha leksionet e profesorëve gjerman të cilët për vite të tëra kishin zhvilluar me studentët tanë si dhe literaturën aktuale që përdoret në Universitet botërore të përgatitet material i shkruar në gjuhën shqipe në formë Skripte. Njëra nga këto detyra më ra hise mua. Në fakt, Bordi i Rrjetit më caktoi për detyrë që duke shfrytëzuar të gjitha burimet e lartë shënuara të përgatisë një Skript për lëndën Fizika e trupit të ngurtë, me shpresë se do jetë e dobishme për të gjithë Universitete ku kjo lëndë dëgjohet. Detyrën e mora si obligative dhe me shumë seriozitet. Me qëllim që korniza vëllimore dhe kualitative e Skriptës të jetë e mirë, qëndrova për gjashtë javë në Freiberg. Atje bashkërisht me Prof. Dr. Heinrich Oettel shtruam konceptin dhe përmbajtjen e Skriptës, kurse profesori i njohur i Fizikës së trupit të ngurtë Prof.Dr. Peter Klimanek më ndihmoi me literaturë dhe ide të cilat ndikuan dukshëm në kualitet. Në kualitetin e Skriptës kanë ndikuar edhe sugjerimet e anëtarëve të Bordit: Prof. Dr. Teuta Dilo, Prof.Asc. Emil Lamani dhe Prof.Asc. Dervish Elezi. [...] i. Kopertina ii. Permbajtja iii. Parathenie iv. Literatura 1. Struktura e trupave 2. Lidhjet ne kristale 3. Struktura kristaline 4. Parimet baze te analizes se struktures 5. Elektronet ne trup te ngurte 6. Vetite termike 8. Vetite magnetike