இசைத் தமிழ் இலக்கண விளக்கம்

Description

கர்னாடக இசையென்று இப்பொழுது கூறப்படுகிற தமிழிசைக்கு வடமொழி நூலாகிய சங்கீத இரத்தினாகரம் என்ற நூலே இலக்கண நூலாகக் கருதப்பெற்று வருகின்றது. ஆனால் உண்மையில் நம்நாட்டு இசையிலக்கண விளக்கங்கள் முழுவதும் முத்தமிழ்க் காப்பியமான சிலப்பதிகாரத்துள் அடங்கியுள்ளன. இசையிலக்கணச் செம்பாகங்கள் சிலப்பதிகாரத்திற் காணப்பெறும் ஒவ்வொரு காதையினுள்ளும் இரத்தினமணிபோல நுட்பமாகப் பொதிந்துள்ளன. இசையென்பது தமிழகத்தில் சிறப்பு வாய்ந்ததொரு கலையாகும். இக்கலை முழுக்க முழுக்க ஒலி உருவினாலாய கலவையேயாகும். இத்துணை சிறப்பான ஒரு கலையை முதன்முதலாகக் கண்டவர்கள் நம் தமிழரேயாவர். இசைக்கலையின் சிகரமாக விளங்குவது நிறமென்ற இராகமேயாகும். இவ்வாறான நிறத்தை ஆளத்தி செய்வது என்பது தமிழ்நாட்டில் மட்டுமே. இவ்வழக்கு வேறு எந்நாட்டிலுமில்லை. இத்துணை மாண்பு பெற்று அமைந்துள்ள இசைக் கலைக்கு இரண்டாயிரம் ஆண்டுகளுக்கு முன் தோன்றியதாக உரைக்கப்படும் சிலப்பதிகாரம் என்ற நூலே இலக்கண நூலாக இப்பொழுது மதிக்கப் பெறுகின்றது. அது காப்பிய இலக்கியமாக மட்டுமன்றி இசைக்குரிய இலக்கண நூல்தானென்று மதித்து ஏற்றுக்கொள்தல் வேண்டும். "இசைத் தமிழ் இலக்கண விளக்கம்" என்ற இந்த நூல் தமிழ்நாட்டு மாணவ மாணவிகளின் இசை வளர்ச்சி கருதி எழுதப் பெற்றதாகும். இந்த நூலில் புதிது புதிதான இசைச் செய்திகளும், இதுவரை யாரும் சொல்லியிராத நுட்பமான பல இசை அமசங்களும் ஒவ்வொரு பகுதியிலும் வரையப் பெற்றுள்ளன. இந்நூலானது மாணவ மாணவிகளுக்கு மட்டுமன்றி, இசைக்கலை மாமணிகளுக்கும் அறிவிற்கு விருந்தூட்டுவதாகவும், இசையறிவு வளர்ச்சியை மேலோங்கச் செய்வனவாகவும் அமையும் என்று கருதுகின்றேன். - வா.சு.கோமதிசங்கர ஐயர், நூல் ஆசிரியர் 1. இசைத் தோற்றம் 2. அலகுகளின் விளக்கம் 3. இசையொலிக் கூறுபாடுகள் 4. பயிற்சிக்குரிய முக்கியமான நிறங்கள் 5. வேங்கடமகி இயற்றிய 72 மேளகர்த்தா முறைகளும், சிலப்பதிகாரம் கூறும் நூற்றுப்பத்தொரு வட்டப்பாலை முறைகளும் 6. தாளங்கள், தாள இயல்புகள் பற்றிய விளக்கங்கள் 7. முதல் நூற்றாண்டு முதல் இருபதாம் நூற்றாண்டு முடிய வழங்கி வந்த நிறங்கள் 8. இசைப் பயிற்சிக்குரிய முக்கியமான விதிகள் 9. சுர தாள அமைப்பின் பழைய முறையும் புது முறையும் 10. புல்லாங்குழல், வீணை ஆகிய இவற்றின் நாதச் சிறப்புகள் 11. நிறச் சிறப்பிற்குரிய வாதி, சம்வாதி, அனுவாதி, விவாதிகளும், கமகங்களும் 12. தமிழ்நாட்டின் முக்கியமான இசைக் கருவிகள் 13. நிற ஆளத்தி செய்தற்குரிய இலக்கண முறைகளும், நிறங்களின் சுவை உணர்ச்சியும் 14. பாட்டுக்கள், அதற்குரிய நிறத்தின் ஓசையின்றி வருவதன் எடுத்துக்காட்டு 15. சங்கீத யாப்பும் - பல்லவி பயிலும் முறையும் 16. வடநாட்டு இந்துத்தானி இசை முறையும், ஆங்கிலநாட்டின் இசை முறையும் 17. தமிழ்நாட்டின் இலக்கிய வளர்ச்சியும் இலக்கண வளர்ச்சியும் 18. நிறங்களில் அமைந்துள்ள அணிச் சிறப்பு 19. இசைக் கலைச் சொற்களின் விளக்கம் கீழ்நிலைப் பயிற்சி